Forumi i sigurisë| Liderët europian mblidhen në Çeki, pjesë edhe kryeministri Rama

Kryeqyteti çek, Praga, do të presë duke nisur nga kjo e premte deri të dielën Forumin vjetor Globsec.

Mbledhja kryesore e sigurisë në Evropën Qendrore zhvillohet nga 30 gushti deri më 1 shtator dhe mbledh së bashku liderë politikë, ekspertë dhe politikëbërës.

Ata do të diskutojnë çështje kritike të sigurisë globale si konfliktet e vazhdueshme në Ukrainë dhe Gaza, si dhe zgjerimin e BE-së dhe NATO-s.

Diskutime pritet të ketë edhe për Ballkanin Perëndimor dhe mundësitë e anëtarësimit në Bashkimin Evropian, ku Shqipëria është në përpjekjen e rradhës për të lobuar për nisjen e shqyrtimit të kapitujve të negociatave me BE-në.

Pjesë e punimeve të samitit do jetë edhe presidentja e komisionit europian, ursula von der leyen e cila do të mbajë edhe një fjalim

Pjesë e këtij forumi është edhe kryeministri Rama i cili ka udhëtuar drejt Pragës, ku do të marrë pjesë në dy panele diskutimi. Paneli i parë lidhet me ballkanin e perëndimor dhe paneli i dytë me europën, mundësitë dhe rreziqet.

Nga Kosova merr pjesë presidentja Vjosa Osmani dhe nga Serbia, presidenti Aleksandër Vuçiç.

LEXONI GJITHASHTU:

• Rama mbledh qeverinë të dielën në Dajt, më 8 shtator Asambleja në Durrës
• “Me vëllanë tim”- Djali i George Soros ndan foton me kryeministrin Rama