Rama mbledh qeverinë të dielën në Dajt, më 8 shtator Asambleja në Durrës

Politika ka lënë pas pushimet e verës me përfundimin e gushtit dhe të dielën e 1 shtatorit, kryeministri Rama mbledh qeverinë në një analizë pune përpara nisjes së sezonit të ri politik.

Burime bëjnë me dije se mbledhja do të zhvillohet tek vila qeveritare në Dajt duke nisur nga ora 10:00 e 1 shtatorit deri në orën 18:00.

Secili prej ministrave do të prezantojë objektivat e punës për sezonin e ri në dikasterin që mbulon.

Një ditë më pas në 2 shtator, do të nisë jeta parlamentare, me seancën e parë do të mbahet për sesonin e ri parlamentar pasditen e së hënës.

Ndërkohë, më 8 shtator Edi Rama do të mbledhë strukturat e partisë, e saktësisht Asamblenë e dalë nga kongresi i 28 korrikut.

Asambleja e re do të mblidhet në Durrës dhe do të zgjedhë kryesinë. Po në këtë mbledhje do të zgjidhet edhe sekretariati i ri i partisë. Me interes priten edhe ndryshimet e mundshme në drejtuesit politik të qarqeve, pak muaj përpara zgjedhjeve të ardhshme parlamentare.

LEXONI GJITHASHTU:

• Forumi i sigurisë| Liderët europian mblidhen në Çeki, pjesë edhe kryeministri Rama
• “Me vëllanë tim”- Djali i George Soros ndan foton me kryeministrin Rama