FOTO | Dashnor Sula “kokë më kokë” me Edi Ramën në Kuvend

Prej disa orësh, vijon seanca maratonë në Kuvendin e Shqipërisë, ku një temë e nxehtë që ka shkaktuar debate mes qeverisë dhe opozitës, është ajo për projektin për Portin e ri të Durrësit.

Kryeministri Edi Rama, pasi ka mbaruar fjalën në lidhje me këtë çështje, u kthye në vendin e tij.

Ndërkohë, deputeti i Partisë Demokratike, Dashnor Sula iu afrua Ramës me një letër në dorë dhe për disa minuta komunikuan së bashku.

Menjëherë u afrua Garda, por Rama zgjodhi që t’i largojë dhe të debatojë me të. Pas diskutimit, ata dhanë dorën njëri-tjetrit.

Kreu i qeverisë iu është përgjigjur akuzave për Portin e Durrësit, duke nënvizuar se ky projekt do të sjellë 8 mld euro në PBB.

Ndërsa, opozita e konsideron këtë një aferë korruptive.

LEXONI GJITHASHTU

• Premton Rama: 4 porte turistike të klasit të parë deri në 2030
• ‘Duke thirrur rroftë mëmëdheu duan të lahen nga gjaku’, Rama akuza Metës e Berishës
• “Do përdoret vetëm gjysma e 800 mijë metrave katrorë”, Rama jep detaje për portin