Fotoja ikonë e Winston Churchill zhduket nga hoteli në Kanada

Një fotografi e famshme e Winston Churchill e shkrepur në vitin 1941 është zhdukur nga një hotel në Otavë dhe është zëvendësuar me një të rreme.

Fotoja, e njohur si “Luani gjëmues” është bërë nga Yousuf Karsh pak pasi Churchill mbajti një fjalim gjatë kohës së luftës në parlamentin kanadez, shkruan BBC.

Një anëtar i stafit në hotelin Château Laurier vuri re fillimisht se fotografia ishte zëvendësuar më 19 gusht. Policia po heton për ngjarjen.

Fotografia është një nga më ikoniket të realizuara ndonjëherë të Churchill-it dhe tregon momente pasi Karsh i hoqi një puro nga goja Churchill-it.

“Unë zgjata një tavëll, por ai nuk donte ta hidhte…Prisja; ai vazhdoi të mbante puro në gojë. Unë prita, kujton Karsh më vonë. Më pas u afrova drejt tij dhe, pa paramendim, por me respekt, i thashë ‘më falni zotëri’ dhe i shkula puro nga goja”.

LEXONI GJITHASHTU:

• Dita Botërore e Fotografisë, Tasho: S’mjafton të shkrepësh aparatin, duhet mesazh
• Imazhi më i detajuar i universit, teleskopi që ofron pamjen e parë unike