Franca dëbon 6 spiunë rusë që vepronin ‘të maskuar’ si diplomatë

Franca ka dëbuar gjashtë agjentë rusë të dyshuar se punonin si spiunë “nën mbulesë diplomatike” në vend, thuhet në një deklaratë të Ministrisë së Jashtme franceze të lëshuar të hënën.

“Pas një hetimi të gjatë, Drejtoria e Përgjithshme e Sigurisë së Brendshme zbuloi të dielën, më 10 prill një operacion klandestin të kryer nga shërbimet e inteligjencës ruse në territorin tonë”, thuhet në deklaratë, duke shtuar se aktivitetet e gjashtë rusëve, të cilët tani janë cilësuar si “persona non grata”, ishin “në kundërshtim me interesat kombëtare”.

Ministri i Brendshëm francez Gerald Darmanin përgëzoi në një postim në Twitter agjentët francezë të sigurisë të përfshirë të cilët “penguan një rrjet agjentësh klandestine rusë që punonin kundër interesave tona”.

Ministria e Jashtme franceze tha se në mungesë të ambasadorit rus, “numri dy në ambasadë u thirr në ministri të hënën në mbrëmje për t’u informuar për këtë vendim”.

LEXONI GJITHASHTU:

• Zelenski: Rusia po përqëndron mijëra ushtarë për ofensivën e radhës
• Lideri çeçen thotë se Rusia synon të marrë Kievin