Rreth 200 shkolla të mesme në Francë filluan testimin e një “pushimi dixhital” këtë javë, duke ndaluar telefonat celularë në klasë.

Qëllimi është të reduktohet koha para ekranit dhe të luftohet bullizmi në internet, një veprim i mirëpritur si nga stafi i shkollës ashtu edhe nga studentët.

Nëse prova rezulton e suksesshme, ndalimi i celularëve do të zbatohet në të gjitha shkollat duke filluar nga janari 2025.

Në një shkollë të mesme në Periferinë jugore të Parisit, studentët e nisën mësimin duke dorëzuar celularët.

“Kjo i mëson studentët të qëndrojnë pa telefonat e tyre gjatë gjithë ditës dhe t’i mësojnë ata të jetojnë ndryshe edhe gjatë pushimeve në vend që të jenë gjithmonë në telefon”, tha një mbikëqyrës shkolle.

Një nxënës 11-vjeçar, tha: “Ne jemi këtu për të mësuar, kështu që nuk ka kuptim të kesh një telefon”.

Halima, një tjetër nxënëse e klasës së gjashtë, tha: “Mendoj se është një ide shumë e mirë sepse telefonat mund të shpërqendrojnë gjatë mësimit. Është më mirë të mos i kemi para nesh gjatë orës së mësimit”.

Telefonat celularë ruhen në pesë çantat e rënda gjatë gjithë ditës në shkollë.

Shteti nuk kontribuon në financimin e këtij hapi që kanë marrë një pjesë e shkollave duke ia lënë barrën financiare departamenteve përgjegjës.

Ministrja në largim e Arsimit e Francës, Nicole Belloubet gjatë një vizite në këtë shkollë u shpreh: Kostot financiare më duken mjaft modeste. Çanta e zgjedhura nga kjo shkollë për të ruajtur telefonat celularë kushtojnë. Por sigurisht, nuk do të doja të kishte ndonjë keqkuptim me Shoqatën e Departamenteve të Francës. Unë do t’i kontaktoj përsëri nëse ka nevojë për ndonjë sqarim”, shpjegoi Belloubet në një intervistë për Euronews.

Ministri i ardhshëm i Arsimit do të vendosë nëse ky ndalim duhet të zgjerohet në mbarë vendin vitin e ardhshëm.