Franca ndalon aplikacionet sociale për zyrtarët, ja arsyeja
Pavarësisht këmbënguljes së TikTok se nuk ndan të dhëna të përdoruesve me qeverinë kineze, Franca është bërë vendi i fundit që ka kufizuar aksesin e zyrtarëve në të. Por në të njëjtën kohë, ajo është bërë gjithashtu vendi i parë që bën të njëjtën gjë për të gjitha aplikacionet “rekreative” duke përfshirë: Netflix, Instagram, Candy Crush dhe Twitter-in.
Ndalimi i këtyre aplikacioneve i monitoruar nga agjencia franceze e sigurisë kibernetike, do të prekë rreth 2.5 milionë nëpunës civilë.
“Aplikacionet rekreative nuk ofrojnë nivele të mjaftueshme të sigurisë kibernetike dhe mbrojtjes së të dhënave për t’u vendosur në mjetet dixhitale të administratës. Këto aplikacione mund të përbëjnë rrezik për mbrojtjen e të dhënave të këtyre administratave dhe zyrtarëve të tyre publikë. Megjithëse, mund të ketë përjashtime për qëllime ‘komunikimi institucional’”, – tha Ministri i Shërbimit Civil, Stanislas Guerini.
Me sa duket Franca, ndryshe nga pjesa tjetër e Perëndimit, po i shikon kompanitë teknologjike kineze dhe amerikane në një mënyrë të ngjashme. Megjithëse ky nuk është rasti i parë i tensionit teknologjik midis SHBA-së dhe Francës.
Në vitin 2019, Franca miratoi një taksë për shërbimet dixhitale, pavarësisht kërcënimeve për hakmarrje nga SHBA, të cilët argumentuan se ajo po ‘sulmonte’ në mënyrë të padrejtë gjigantët amerikanë të teknologjisë si Google dhe Facebook.
LEXONI GJITHASHTU:
Makina del nga rruga dhe përfundon në përrua, 5 viktima dhe 2 të plagosur në Antalia
Sulmi në “Krenarinë e Berlinit”, reagon Rama: Solidaritet me Gjermaninë, dënojmë dhunën
Horror në Michigan, gjashtë fëmijë mes 8 viktimave pas të shtënave me armë dhe zjarrit në banesë
- 15:05 Janjiç: Vuçiç ka frikë nga Radojçiç, ai mund të dëshmojë kundër presidentit serb
- 14:55 Kosova kujton Adem Demaçin në tetëvjetorin e ndarjes nga jeta, Reçica: Simbol i qëndresës dhe lirisë
- 14:46 Makina del nga rruga dhe përfundon në përrua, 5 viktima dhe 2 të plagosur në Antalia
- 14:36 Kurti nga veriu i Kosovës: Asnjë kriminel nuk do të lejohet të mbijetojë i pandëshkuar
- 14:03 Dallgë të mëdha dhe erë e fortë në Vlorë, ngrihet flamuri i kuq në plazhe (VIDEO)
- 13:33 Rama reagon sërish për protestuesit: Kontrata ime me 800 mijë shqiptarë, jo me ata që kërkojnë dorëheqjen