Qëlluan me armë në drejtim të makinës së 41-vjeçarit, arrestohet një nga autorët

Policia ka bërë të mundur kapjen dhe arrestimin e një prej personave që qëlluan me armë zjarri në drejtim të makinës së një 41-vjeçari.

Në pranga u vu 59-vjeçari, M. M. (alias M. B.) teksa në kërkim është ende i biri, shtetasi E. V. (alias E. B. alias E. M.) 31-vjeçdhe nipi K. M. (alias K. B.), 28 vjeç. Ngjarja ndodhi pas konfliktti.

“Si rezultat i veprimeve profesionale operacionale dhe policore të kryera për një rast të ndodhur rreth orës 19:00, të datës 26.03.2023, në Rrëshen, ku nga këto hetime, dyshohet se shtetasi M. M. (alias M. B.) 59 vjeç dhe shtetasit E. V. (alias E. B. alias E. M.), 31 vjeç e K. M. (alias K. B.), 28 vjeç, përkatësisht djali dhe nipi i shtetasit M. M, të tre banues në Mirditë, pas një konflikti për motive të dobëta, kanë qëlluar me armë zjarri, në drejtim të automjetit të shtetasit S. R., 41 vjeç, banues në Mirditë, u bë i mundur lokalizimin dhe kapja e shtetasit të kërkuar:

-M. M. (alias M. B.), 59 vjeç, banues në Rrëshen, për veprat penale “Vrasja me paramendim”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.

Vijon puna për kapjen e 2 shtetasve të shpallur në kërkim, si dhe nën drejtimin e Prokurorisë pranë Gjykatës së Rrethit Gjyqësor Lezhë, vijojnë hetimet për zbardhjen e plotë të ngjarjes dhe dokumentimin ligjor të përgjegjësisë penale të secilit prej shtetasve të përfshirë në këtë rast”, thuhet ndër të tjera në njoftimin e policisë.

LEXONI GJITHASHTU

• Qëllohet me armë zjarri drejt një makine në Rrëshen, në kërkim babë e bir
• 20 të shoqëruar, sekuestrohet drogë në Rrëshen