Qëllohet me armë zjarri drejt një makine në Rrëshen, në kërkim babë e bir

Një incident ka ndodhur mbrëmjen e sotme në  Rrëshen të Mirditës, ku babë e bir ka qëlluar me armë zjarri drejt një automjeti ku ndodhej personi që ishin konfliktuar.

Policia bën me dije se pas një konflikti të çastit për motive të dobëta, dyshohet se shtetasit M. B. dhe E. B. (babë e bir), banues në Mirditë, kanë qëlluar me armë zjarri në drejtim të automjetit të shtetasit S. R., banues në Mirditë, i cili gjatë largimit ka humbur kontrollin mbi drejtimin e automjetit dhe për pasojë automjeti është përplasur me bordurën e rrugës.

“Nga veprimet e para hetimore rezulton se fillimisht janë konfliktuar dy të rinjtë me njëri-tjetrin dhe më pas shtetasi E. B. ka shkuar në banesë dhe së bashku me babanë e tij, shtetasin M. B., kanë marrë një armë zjarri pistoletë dhe kanë qëlluar në drejtim të automjetit me të cilin lëvizte shtetasi S. R. Nga të shtënat nuk ka persona të lënduar”- njofton policia.

Janë ngritur pika kontrolli, si dhe vijon kontrolli i zonës, me qëllim lokalizimin dhe kapjen e autorëve të dyshuar.

Grupi hetimor, nën drejtimin e Prokurorisë, vijon veprimet hetimore në vendin e ngjarjes, me qëllim zbardhjen e plotë dhe dokumentimin ligjor të ngjarjes.

LEXONI GJITHASHTU: 

• Debate të ashpra mes deputetëve deri në mesnatë, mblidhet sërish grupi i Alibeajt
• “Statuja e Skënderbeut do vendoset në Zvicër”, skulptori zbulon kush e porositi