Franca në pritje të lëvizjes së Macron, mister emri i kryeministrit të ri të vendit

Qeveria franceze e drejtuar nga kryeministri Michel Barnier mbajti të mërkurën mbledhjen e fundit para largimit të tij.

Edhe pse presidenti Emmanuel Macron premtoi se do të caktonte pasardhësin e Barnier të enjten, zëdhënësi i tij pati një përgjigje ndryshe kur u pyet nga mediat.

“Presidenti i Republikës nuk ka dhënë ndonjë afat kohor për zgjedhjen e tij. Ajo që mund t’ju them unë dhe që ju e dini është se roli i presidentit të Republikës është ai i garantuesit të institucioneve dhe në këtë kontekst, ai po kërkon një zgjidhje që të garantojë stabilitet”, deklaroi Maud Bregeon, zëdhënës i qeverisë nw Francë.

Në takimin e fundit, Këshilli i Ministrave studioi edhe “draftin e posaçëm” për riparimin e defekteve buxhetore për periudhën 2024-2025.

“Ky është një draft që, për ta thënë më thjesht, shmang një bllokadë. Është një draft që së pari autorizon qeverinë të vazhdojë mbledhjen e taksave dhe vendosjen e tarifave deri në votimin e ligjit financiar për vitin e ardhshëm”, deklaroi Laurent Saint-Martin, ministër për Buxhetin dhe Financat Publike.

Drafti i posaçëm do të shqyrtohet fillimisht në Asamblenë Kombëtare dhe më pas në Senat.

LEXONI GJITHASHTU:

• Macron i drejtohet kombit: Jam president deri në fund të mandatit, kryeministri…
• Macron thotë se Franca do të luftojë fort për të mbajtur Emily-n në Paris