Franca voton ligjin për dekriminalizimin e modeleve të pazakonta të flokëve

Parlamenti francez do të votojë nesër miratimin e një ligji që do të dekriminalizonte mbajtjen e modeleve të flokëve si dreadlock, gërsheta dhe të ashtuquajturat modele flokësh afro në shkolla dhe vendet e punës.

Deputeti i Parlamentit francez dhe përfaqësuesi i territorit përtej detit të Guadelupes, Olivier Serva, i cili është autor i projektligjit, tha se ligji nëse miratohet, do t’i lejojë viktimat e diskriminimit të mos kenë përgjegjësi penale para gjykatës.

“Duhet theksuar se ligji thotë se diskriminimi në bazë të flokëve është i paligjshëm. Shumë njerëz vuajnë për shkak të diskriminimit në bazë të flokëve të tyre dhe ne duhet të merremi me këtë”, tha Serva, sipas Reuters.

Serva deklaroi se, sipas një sondazhi të LinkedIn, dy nga tre gra afrikano-amerikane në SHBA ndryshojnë flokët e tyre para një interviste për punë. Deputetët e ekstremit të djathtë nuk pajtohen me projektligjin, shton agjencia.

Përfaqësuesi i grupit parlamentar “Republikanët” Fabien di Filippo pohon se ligji është i tepërt, duke marrë parasysh se ekziston një ligj që ndalon diskriminimin në bazë të pamjes.

“A duhet të presim nesër një ligj që ndalon diskriminimin ndaj njerëzve që janë tullac, të cilët rezultojnë se nuk përfaqësohen sa duhet në reklamat e shampove”, tha ai, duke shtuar se projektligji përpiqet të transferojë mentalitetin amerikan në legjislacionin francez.

LEXONI GJITHASHTU:

• Frika nga ISIS-K| Franca rrit nivelin e sigurisë, Macron: Kishin planifikuar sulme
• Pas sulmit në Moskë, Franca ngre alarmin kundër terrorizmit në nivelin më të lartë