Francesco Totti po përballet me probleme të reja ligjore. Pas akuzave nga ish-bashkëshortja e tij, Ilary Blasi, për braktisjen e fëmijëve, ish-kapiteni i Romës është nën hetim nga Prokuroria Publike e Romës për mosdeklarim të të ardhurave dhe shmangie të taksave. Sipas La Verità, nëse këto akuza vërtetohen, Totti mund të dënohet me një dënim që varion nga 2 deri në 5 vjet burg, në përputhje me ligjin për evazionin fiskal.
Hetimi ka zbuluar se Totti nuk ka raportuar të ardhurat që ka fituar nga reklamimi, duke shmangur pagesën e taksave për to. Guardia di Finanza ka zbuluar se ai ka paguar më pak se sa duhej, ndërsa një shumë e vogël është rritur në 200,000 euro përmes interesave. Pavarësisht se Totti ka paguar shumën e kërkuar për të mbyllur çështjen, hetimi ka vazhduar, pasi informacionet janë dërguar te Agjencia e të Ardhurave dhe Prokuroria. Kjo ka çuar në regjistrimin e tij si të dyshuar për mosdeklarim.
Totti pritet të paraqitet në Prokurori gjatë muajit dhjetor, ku do të intervistohet nga prokurori Vincenzo Barba. Hetimi nuk ka lindur për shkak të padisë së Ilary Blasi për menaxhimin e financave të fëmijëve të tyre, as për llogaritë e mundshme të Tottit në Singapor dhe SHBA, por është fokusuar te të ardhurat nga aktivitetet reklamuese dhe mosdeklarimi i tyre.
LEXONI GJITHASHTU:
- Rezultatet e Champions League, Interi merr përkohësisht kreun
- Goleada në Champions League, Manchester City e bën darmë/ Rezultatet e ndeshjeve
