Fredi Beleri del nga burgu, shkëmben përqafim me të birin! Pritet edhe nga Gjikuria

Fredi Beleri ka dalë nga burgu i Fierit, ku po vuante dënimin për akuzën për blerje votash.

Ditën e sotme Gjykata e Fierit vendosi lirimin nga burgu të Belerit, 6 javë para se t’i përfundonte dënimi.

Ndërkohë jashtë ambienteve të burgut të Fierit ndodhet djali i Belerit, Petro Beleri, i cili e ka pritur të atin me përqafim.

Po ashtu në pritje të tij ka qenë edhe ish-kandidati i opozitës për Bashkinë e Himarës, Petro Gjikuria.

Ndërkohë flitet se për lirimin e Belerit do të organizohet edhe një aktivitet festiv (miting) në Himarë, por nuk ka detaje shtesë për këtë gjë.

Kujtojmë se Beleri u arrestua në datën 12 maj të vitit të kaluar, me akuzën për blerje votash për zgjedhjet e 14 majit, ku kandidonte për kryebashkiak.

Megjithëse në burg, Beleri arriti të merrte shumicën e votave dhe të fitonte përballë kandidatit të Partisë Socialiste, Jorgo Goro, por izolimi i pamundësoi drejtimin e bashkisë.

LEXONI GJITHASHTU:

• Gjykata e Fierit liron nga burgu Fredi Belerin
• Zgjedhjet në Himarë, djali i Fredi Belerit paraqitet në një qendër votimi