Fredi Beleri deputet në Parlamentin Europian, ja sa vota ka marrë

Kyriakos Mitsotakis duket se ia ka dalë të fitojë ndaj ekstremistëve grekë me kandidaturën e Fredi Belerit. Fredi Beleri ka arritur të marrë 24.141 vota.

“Demokracia e Re” ka fituar zgjedhjet europiane për Greqinë me një diferencë të thellë nga kundërshtarët e SYRIZA-s dhe sipas të dhënave aktuale Fredi Beleri do të jetë eurodeputet.

Sipas rezultateve në kohë reale të Ministrisë së Brendshme, “Demokracia e Re” fiton me 28.31% të votave dhe kryeson me diferencë dyshifrore, pasi SYRIZA ka marrë vetëm 14.92%. Në vend të tretë është PASOK me 12.79%, ndërsa Hellenic Solution dhe KKE siguruan votat për të marrë nga 2 deputetë secila.

Sa i përket emrave Giorgos Attias kryesoi listën me 37.590 vota, i ndjekur nga Vangelis Meimarakis (28.746) dhe Fredi Beleri (24.141).

Sipas parashikimeve të Ministrisë së Brendshme, shtatë parti do të kenë eurodeputetë në Parlamentin e ri Evropian. Aktualisht janë numëruar 87 për qind e votave dhe sinjalet janë se Beleri mund të jetë deputet në Parlamentin Europian.

LEXONI GJITHASHTU:

• Ekskluzive| Beleri zgjidhet eurodeputet, flet për Euronews babai: Fitoi demokracia!
• Shpërthen festa në Himarë, Fredi Beleri drejt zgjedhjes si eurodeputet në Greqi