Kandidati i opozitës në Himarë, Fredi Beleri ka reaguar sa i takon padisë për shpifje ndaj kryetqarit të grupit parlamentar të PS-së, Taulant Balla.
Beleri deklaroi se e ka paralajmëruar Ballën se do të mbajë përgjegjësi për shpifjet dhe pavarësisht kësaj ky i fundit nuk i ka kushtuar rëndësi.
“Sot kam ngritur dhe depozituar padi. Me anë të së cilës kam kërkuar dëmshpërblim prej 1.000.000 lekësh të cilat do t’ia dhuroj të gjithë shumën “Shtëpisë së Foshnjës Vlorë”. Të paktën në këtë mënyrë një shpifës i tillë do të ketë kontribuar sado pak në shërbimin e rrënuar të shtëpive të foshnjave nëpër bashki,” – tha Beleri.
Ai u shpreh i sigurt në vendimin e drejtësisë shqiptare, ndërsa shtoi se veç përgjigjes nga drejtësia, Balla do të marrë edhe një “përgjigje politike” më 14 maj.
LEXONI GJITHASHTU: