Frikë nga ‘Wagner’, fqinjët e Bjellorusisë përforcojnë sigurinë kufitare

Fqinjët e Bjellorusisë po rishikojnë masat e sigurisë kufitare pas zërave se shefi i “Wagner” ka siguruar azil në këtë vend në këmbim të ndërprerjes së kryengritjes. Në Poloni, si kryeministri edhe ministri i Mbrojtjes kanë inspektuar trupat në veri-lindje.

“Kemi përforcuar kufijtë, në veçanti atë me Bjellorusinë dhe rajonin Kënigsberg. Jemi të vetëdijshëm për kërcënimet dhe po u paraprijmë sulmeve eventuale. Ne po përballemi me një sulm hibrid në kufirin polak prej dy vitesh. Ushtarët tanë në kufi garantojnë sigurinë e vendit tonë”- tha Mariusz Blaszczak, ministër i Mbrojtjes, Poloni.

Edhe presidenti i Lituanisë deklaroi se NATO duhet të përforcojë krahun lindor të tij nëse Bjellorusia strehon Jevgjeni Prigozhin dhe trupat e tij. Ndërsa ministrja e Jashtme e Finlandës ndihet e pasigurt për situatën.

“Situata është delikate dhe mund të ndodhë gjithçka. Ne po e monitojmë atë me shumë vëmendje- theksoi Elina Valtonen, ministre e Jashtme, Finlandë

Vendet baltike por edhe ato nordike në kufi me Rusinë dhe Bjellorusinë kanë përforcuar edhe kontrollet e kalimit kufitar.

LEXONI GJITHASHTU: 

• Kush do e sulmonte Kosovën? Deputeti i Vetëvendosjes flet për armët e kapura në veri
• I shpallur në kërkim ndërkombëtar nga Italia, arrestohet në Pukë 23-vjeçari