Kush do e sulmonte Kosovën? Deputeti i Vetëvendosjes flet për armët e kapura në veri

Deputeti i Vetëvendosjes Dimal Basha ishte këtë të hënë i ftuar në një intervistë në Euronews Albania për të folur rreth zhvillimeve të fundit në Kosovë.

Ndër të tjerat ai ka komentuar edhe kapjen e kamionit me armë në Zveçan, duke thënë se e gjitha kjo është vepër e një personi autokrat i cili synon të mbajë pushtetin mes deklaratave nacionaliste të silit nuk i intereson një Kosovë e qetë dhe serbë të integruar, por i interesojnë trazirat në rajon.

Ai tha se këtë gjë Serbia nuk e bën vetëm me Shqipërinë por edhe me vende të tjera ën rajon, pasi sipas Dimal Bashës, shteti fqinj është në koalicion me Rusinë dhe kërkon destabilizim në Ballkan.

“Jo vetëm Kosovën, por të gjithë rajonin. Të gjitha sulmet që janë bërë vijnë prej Serbisë. Serbia në koalicion me rusët synon destabilizimin e Kosovës, nuk synon për një Kosovë të qetë dhe për serbë të integruar, pasi kështu e humbet pushtetin.

Për një person autokrat që synon ta mbajë pushtetin përmes deklaratave dhe pretendimeve nacionaliste ai mendon ta bëjë përmes kërcënimeve. Serbia këtë nuk e bën vetëm ndaj Kosovës, por ndaj Malit të Zi e bën ndaj Bosnjës, ndaj Kroacisë, në gjithë rajonin”,-tha Deputeti i Vetëvendosjes Dimal Basha.

LEXONI GJITHASHTU:

• BE sanksionon zyrtarët iranianë për “shkelje të rënda” të të drejtave të njeriut
• Vrau 4 policë, Apeli lë në fuqi dënimin me 25 vjet burg për Dritan Dajtin