“Front kundër perëndimit”-kërcënon Lavrov: T’i bëjmë ballë shantazhit të SHBA e BE

Ministri i Jashtëm rus, Sergi Lavrov u bëri thirrje vendeve të ndryshme të botës që të bashkohen kundër atij që e quajti “shantazhi” i Perëndimit.

“Është e nevojshme të bashkojmë forcat për t’i bërë kontrast përpjekjeve për shantazh dhe presion nga Perëndimi”, deklaroi Lavrov nga kryeqyteti i Venezuelës, Karakas.

Duke folur përkrah homologut venezuelian Yvan Gil, kryediplomati rus përsëriti qëndrimin për një botë multipolare që të mos dominohet nga Shtetet e Bashkuara dhe aleatët e tyre.

Presidenti venezuelas, Nicolas Maduro priti gjithashtu Lavrov dhe më vonë foli për një “takim pozitiv” që kishte konsoliduar një plan bashkëpunimi.

Venezuela, e ndodhur në bregun verior të Amerikës së Jugut, ishte ndalesa e dytë e turit të Lavrov në Amerikën Latine. Në fillim ai vizitoi Brazilin dhe në ditët e ardhshme do të shkojë në Kubë dhe Nikaragua.

“Venezuela, Kuba dhe Nikaragua e kanë zgjedhur vet rrugën e tyre”, tha Lavrov.

Të treja vendet udhëhiqen nga qeveri socialiste, të kritikuara për mungesën e demokracisë dhe në vitet e fundit janë përplasur me Shtetet e Bashkuara.

Gjatë vizitës, Lavrov diskutoi edhe për luftën në Ukrainë. “Ne do ta zgjidhim situatën në Ukrainë dhe konflikte të tjera në botë përmes parimeve të Statutit të OKB-së për shtetet sovrane dhe të barabarta, bazuar në parimin e sigurisë”, tha më tej Lavrov.

LEXO GJITHASHTU:

• “Qëllova me plumb në kokë vajzën 6-vjeçe”- Krimet monstruoze të Wagner
• “Qëllova me plumb në kokë vajzën 6-vjeçe”- Krimet monstruoze të Wagner