Dy ish të dënuar rusë, të cilët pretendojnë se kanë shërbyer si komandantë për grupin mercenar Wagner, kanë rrëfyer se kanë vrarë në Ukrainë qindra civilë, përfshirë edhe fëmijë.
Të dy persona u intervistuan nga një aktivist të të drejtave të njeriut i cili raporton mbi korrupsionin dhe torturën në Rusi.
Ish të dënuarit, u falën me dekrete presidenciale ruse vitin e kaluar.
Gjatë rrëfimit ata përshkruan veprimet e tyre në Ukrainë që kur Rusia nisi pushtimin në shkurt 2022, duke përfshirë ekzekutimin e 60 të burgosurve të plagosur, disa prej të cilëve ishin ushtarë rusë që refuzuan të vazhdonin luftimin.
Një nga ish-mercenarët përshkruan skena rrëqethëse të vrasjes së një fëmije.
“Ndërsa hymë në Soledar dhe Bakhmut, morëm urdhrin të vrisnim këdo: burra, gra, fëmijë, të moshuar. Një vajzë e vogël bërtiste. Ajo duhet të ishte pesë ose gjashtë vjeçe. Unë e qëllova në kokë. Dua që Rusia dhe vendet e tjera ta dinë të vërtetën. Unë nuk dua luftë dhe gjakderdhje. E shihni se unë mbaj një cigare në këtë dorë. Kam ndjekur urdhrat me këtë dorë dhe kam vrarë fëmijë”, tha një nga ish komandantët.
Ish-të dënuarit thanë se ata i morën urdhrat për të vrarë direkt nga shefi i Grupit Wagner, Prigozhin.
Prokurorët ukrainas kanë nisur një hetim bazuar në intervistat e ish-ushtarëve.
LEXONI GJITHASHTU:
