Putin kritikon BE-në dhe SHBA-në teksa pret ambasadorët e tyre të rinj

Presidenti rus, Vladimir Putin, është takuar me ambasadorët e rinj të Bashkimit Evropian dhe Shteteve të Bashkuara në Moskë, të mërkurën, dhe e ka shfrytëzuar rastin për të akuzuar Perëndimin për rritjen e konfrontimit gjeopolitik me Rusinë.

Putin ka thënë se BE-ja e ka nisur këtë konfrontim dhe e ka kthyer mbrapa misionin e saj “për rritje të bashkëpunimit ekonomik dhe integrim të kontinentit evropian”.

Ai e ka akuzuar SHBA-në për nxitje të konfliktit në Ukrainë, përmes revolucionit.

Deklarata e tij ka qenë referencë për luftën e Rusisë në Ukrainë, të nisur më 24 shkurt 2022.

Ai ka folur për gatishmërinë e Rusisë për dialog dhe partneritet me të gjitha shtetet, si palë të barabarta.

Ambasadorja amerikane në Moskë, Lynne Tracy, u është përgjigjur komenteve të Putinit me një shikim të mprehtë, shkruan REL.

“Lidhjet Rusi-SHBA, nga të cilat varet siguria globale dhe stabiliteti, fatkeqësisht janë duke përjetuar krizë të thellë”, ka thënë Putin para 17 diplomatëve që kanë qenë në atë ceremoni, përfshirë ambasadorin e ri të BE-së, Roland Galharague nga Franca.

LEXONI GJITHASHTU:

• Zbardhen kërkesat e BE për Pekinin: Jo armë kineze për Vladimir Putin
• Eksperti Hoti zbulon forcën ushtarake të Finlandës, frika e Vladimir Putin