Eksperti Hoti zbulon forcën ushtarake të Finlandës, frika e Vladimir Putin

Një tjetër flamur i është shtuar familjes së Aleancës Euroatlantike. Finlanda është anëtari i 31 i NATO, duke shënuar edhe historinë për procesin më të shpejtë të anëtarësimit.

Dritan Hoti, pedagog për Marrëdhëniet Ndërkombëtare tha në një intervistë për Euronews Albania se anëtarësimi i Finlandës në NATO është reagim i drejtpërdrejtë i ofensivës së Putin, që nuk ishte i kalkuluar siç duhet.

Ai tregoi se edhe pse një vend i vogël, Finlanda ka një forcë ushtarake të jashtëzakonshme dhe të teknologjisë më të përparuar.

“Finlanda nuk e ka ulur asnjëherë buxhetin për mbrojtjen pasi e ka njohur më mirë se kushdo natyrën  agresive të Rusisë dhe të Bashkimit Sovjetik. Si rrjedhojë ajo përfiton nga integrimi në NATO, pasi çimentohet siguria e saj, por ajo sjell edhe përftime për NATO. Finlanda ka vëllimin më të lartë të artilerisë në Evropë, ka një forcë të admirueshme këmbësorie pasi kanë pasur një sistem vullnetarësh dhe armatime të teknologjisë më të zhvilluar. Finlanda është edhe një lloj mburoje për Suedinë pasi Rusisë i duhet të depërtojë Finlandën që të shkojë në Suedi”, tha Hoti.

LEXONI GJITHASHTU:

• Finlanda në NATO, kërcënon Moska: Siguria jonë në rrezik
• Finlanda anëtarësohet në NATO, dyfishohet kufiri i aleancës ushtarake me Rusinë