“Frymëzim pranveror” në Gjirokastër çelet ekspozita në liceun “Feim Ibrahimi”

“Frymëzim pranveror” titullohej ekspozita në pikturë e çelur nga nxënësit e Liceut Artistik “Feim Ibrahimi” në Gjirokastër. Përgjatë kësaj ekspozite piktorët e rinj prezantuan rreth 30 punime në gjini të ndryshme si portrete, peizazhe, natyra të qeta, etj. Motivi mbizotërues i pikturave ishin ndjenjat dhe përjetimet e moshës rinore aq me tepër në këtë fillmpranvere.

“Dy-tri herë në vit ne bëjmë prezantim të punëve dhe të gjithë ecurisë së nxënësve edhe kësaj radhe me këtë ekspozitë kemi sjellë punët më të mira të nxënësve dhe që janë edhe punët më përfaqësuese të tyre duke filluar nga peizazhet, portretet dhe natyrat e qeta”,-tha Gazmend Koçollari.

“Në Liceun Artistik ” Feim Ibrahimi” kam një vit që jam këtu, studioj në vitin e parë, synoj të kem një të ardhme me anë të pikturës”,-tha nxënësi.

“Jam nxënës i vitit të parë në Liceun Artistik “Feim Ibrahimi”, praktikohem vazhdimisht për pikturë dhe në këtë ekspozitë kam prezantuar punimet e mia”,-tha nxënësi.

 Liceu Artistik “Feim Ibrahimi” ka një traditë mbi 50-vjeçare ndërsa nga kjo shkollë kanë dalë emra artistësh, këngëtarë, piktorë, skulptorë, etj të cilët me aktivitetin kulturor në vite kanë spikatur brenda dhe jashtë vendit.

LEXONI GJITHASHTU:

• 16 turistë belgë festojnë ditëlindjen në Gjirokastër sipas traditave shqiptare
• Vedat Çela, lazaratasi që i jep jetë kalldrëmeve të gurta në Gjirokastër