Frytet e kundërofensivës, Zelensky: Do shihen së shpejti, do të rimarrim dhe Krimenë

Në frontin ukrainas ka ende optimizëm pavarësisht se në dy muaj kundërofensiva ka bërë pak progres.

Presidenti ukrainas deklaroi se në terren po arrihen rezultate pozitive dhe se frytet e tyre do të bëhen publike së shpejti. Në fjalimin e tij të zakonshëm, Volodymyr Zelensky nuk harroi as Krimenë.

“Ne po përgatisim edhe një listë me hapat për çlirimin e Krimesë; hapa në aspektin e sigurisë, atë ekonomik dhe social. Ne mund ta integrojmë sërish Krimenë si pjesë të Ukrainës. Në fakt, pushtuesit duhet të mendojnë sesi të kthehen në Rusi, teksa ura e Krimesë është ende funksionale”- tha Volodymyr Zelensky, president i Ukrainës.

Në këtë fazë të parë të kundërofensivë, Ukraina ka rikuperuar 192 kilometra katrorë territor, me humbje të rënda në njerëz.

Ajo gjithashtu ka rritur numrin e sulmeve ndaj gadishullit të Krimesë, duke goditur urën simbolike të Kerçit, që lidh territorin me Rusinë mëmë.

LEXONI GJITHASHTU: 

• ‘Vera në plazh mund të jetë fatale’, OBSH: 236 mijë persona mbyten çdo vit
• Tabaku pas raportit të DASH: Lufta ndaj korrupsionit, të jetë prioritet kombëtar