Fshehën 82.550 euro në autobus, 2 shoferët kapen në flagrancë në Portin e Durrësit

Dy shoferë janë arrestuar pasi fshehën shumën prej 82.550 eurosh në autobusin që drejtonin me radhë. Bëhet fjalë për një autobus të linjës “Durrës-Bari-Durrës”, i cili u kontrollua në portin e Durrësit.

Gjatë kontrollit me metoda bashkëkohore, shërbimet e Policisë gjetën dhe sekuestruan në cilësinë e provës materiale 82 550 euro dhe arrestuan në flagrancë shtetasit G. L., 43 vjeç dhe V. E., 52 vjeç, të dy banues në Elbasan.

Njoftimi i policisë

Në PKK Port Durrës, është finalizuar operacioni policor i koduar “Fluksi 2”, i cili u mbështet në informacionet e siguruara nga inteligjenca policore, si dhe u bazua në analizën e riskut. Në kuadër të këtij operacioni, shërbimet e Policisë Kufitare, në hyrje të vendit, kaluan në vijë të dytë, për kontroll të imtësishëm, autobusin e linjës “Durrës-Bari-Durrës”, shoferë të të cilit ishin shtetasit G. L. dhe V. E.

Gjatë kontrollit të ushtruar në këtë autobus, i kryer duke përdorur metoda bashkëkohore, shërbimet e Policisë gjetën dhe sekuestruan në cilësinë e provës materiale 82 550 euro, të cilat këta shtetas tentonin t’i futnin në vendin tonë, pa i deklaruar në pkk, konform ligjeve në fuqi.

Në vijim të veprimeve procedurale për këtë rast, u arrestuan në flagrancë shtetasit G. L., 43 vjeç dhe V. E., 52 vjeç, të dy banues në Elbasan.

LEXONI GJITHASHTU:

• Përhapja e variantit të ri të Covid, OBSH jep të dhëna mbi rrezikshmërinë e EG.5
• EMRI| Ishte me pushime me familjen, shqiptari qëllohet me 10 plumba në ishullin grek