Dy infermieret e azilit “Ruaje moshën” janë arrestuar nga policia pas ngjarjes së rëndë që ndodhi një ditë më parë ku humbi jetën në mënyrë tragjike Virxhil Vesho pasi u qëllua me bastun nga Zyhdi Shehi.
Nazime Mulla dhe Glesantina Saraçi akuzohen për veprën penale “Veprime që pengojnë zbulimin e së vërtetës”.
Para grupit hetimore infermieret pretendonin se nuk e kanë kuptuar që ishte vrasje, por mendonin se 82-vjeçari kishte ndërruar jetë pasi ishte rrëzuar.
Ato kanë njoftuar menjëherë një agjenci funerale, por kjo e fundit nuk e ka marrë përsipër për shkak të dëmtive serioze që kishte viktima.
Më pas për këtë ngjarje stafi ka vënë në dijeni pronarin e azilit i cili ka njoftuar policinë.
Mbetet për tu parë se si do të jetë qëndrimi i Gjykatës për mënyrën se si vepruan dy të arrestuarat teksa do të njihen me masën e sigurisë.
Virxhil Vesho u qëllua për vdekje me bastun nga Zyhdi Shehi me pretendimin se i kishte zënë krevatin.
LEXONI GJITHASHTU:
- Krim në azilin e pleqve në Tiranë, 78-vjeçari vret shokun e dhomës me shkop
- Krimi i dyfishtë në Konispol, 2 vrasjet ndodhën në praninë e mbesës 10-vjeçare
