English

Fshehu dënimin në Greqi, kryebashkiaku socialist del përpara GJKKO

KOMENTE

SHPERNDAJE
ARTIKULLIN

Text sizeAa Aa

Në orën 12 të kësaj të mërkure kryebashkiaku socialist i Kuçovës, Kreshnik Hajdari, dal para Gjykatës së Posaçme për t’u njohur me vendimin e saj lidhur me kërkesën e SPAK që i është drejtuar për nisje të gjykimit. Hajdari është marrë i pandehur për falsifikim formulari duke mos deklaruar një dënim me 4 muaj burg në 1999 nga Gjykata e Janinës, për kalim të paligjshëm të kufirit.

- Advertisement -

Më 15 nëntor të vitit të kaluar Kreshnik Hajdari ngjiti shkallët e Prokurorisë së Posaçme i shoqëruar nga avokati Theodhori Sollaku, ku iu komunikua akuza. Avokati i tij Thedodhori Sollaku, tha se klienti i tij nuk ishte në dijeni të dënimit nga Gjykata e Janinës më 23 qershor 1999.

Në mbrojtje të kryebashkiakut, avokati Theodhori Sollaku përsëriti qëndrimin se dënimi në Greqi në vitin 1999 për kalim të paligjshëm të kufirit, nuk është vepër penale që përbën pengesë për kandidimin, e si i tillë nuk kishte arsye për tu pasqyruar. Vetëm një ditë para se kryebashkiaku socialist të merrej i pandehur, Komisioni Qëndror i Zgjedhjeve vendosi të mos ia ndërpresë mandatin.

Hajdari u kallëzua nga rivali i tij në zgjedhjet e 14 majit Lefter Maliqi, teksa Greqia solli zyrtarisht përgjigjen e letërporosisë që kishte nisur Prokuroria e Përgjithshme Shqiptare.

Në këtë përgjigje, thuhej se Kreshnik Hajdari ishte dënuar me formë të prerë nga Gjykata e Janinës për kalim të paligjshëm kufiri, me 4 muaj burg, konvertuar me deportim të menjehershëm dhe gjobë në vlerën e 1500 dhramive.

Kryebashkiaku ka disa kallëzime në organet e drejtësisë, si për abuzim me detyrën apo krime zgjedhore. Në hetim nga SPAK për falsifikim të formularit të vetëdeklarimit, kryebashkiaki i Kuçovës rrezikon së fundmi edhe mandatin. Komisioni i Ankimimeve dhe Sanksioneve rrëzoi vendimin e Ilirjan Celibashit që Kreshnik Hajdari të vijojë detyrën pavarësisht se fshehu dënimin në Greqi.

KAS kërkon që çështja të shqyrtohet edhe në herë në KQZ. Vetë Lefter Maliqi tha se kërkon që mandati i Hajdarit të hiqet, jo për shkak të dënimit në vetvete, por për faktin që nuk është reflektuar në formularin e vëtëdeklarimit.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?