KQZ vendosi të mos i ndërpresë mandatin, kryebashkiaku i Kuçovës paraqitet në SPAK

Kryebashkiaku i Kuçovës, Kreshnik Hajdari, është paraqitur mëngjesin e ditës së sotme në SPAK.

Sipas burimeve për Euronews Albania, Hajdari ka qenë i shoqëruar nga avokati Theodhori Sollaku.

Nuk dihet ende arsyeja e thirrjes së tij në SPAK, por besohet se mund të ketë lidhje me dënimin e tij në Greqi.

Ditën e djeshme Komisioni Qëndror i Zgjedhjeve vendosi që të mos ia ndërpresë mandatin e kryebashkiakut Hajdarit, megjithëse Prokuroria e Përgjithshme dorëzoi provat se ai rezultonte i dënuar nga një Gjykatë në Greqi.

Nga ana tjetër, reagimi i ish-kandidatit të “Bashkë Fitojmë” për Bashkinë e Kuçovës në 14 maj, Lefter Maliqit, ishte i ashpër, duke e cilësuar shtetin shqiptar si të kapur nga bandat.

LEXONI GJITHASHTU:

• Drejt shkarkimit? Prokuroria: Kryebashkiaku i Kuçovës rezulton i dënuar
• KQZ nuk shkarkoi kryebashkiakun e Kuçovës, Maliqi: Turp, jeni bandita të shtetit