KQZ nuk shkarkoi kryebashkiakun e Kuçovës, Maliqi: Turp, jeni bandita të shtetit

Ish-kandidati i koalicionit “Bashkë Fitojmë” për Bashkinë e Kuçovës, Lefter Maliqi, ka reaguar ashpër pas vendimit të KQZ për të mos ndërprerë mandatin e kryebashkiakut aktual të Kuçovës, Kreshnik Hajdari, pasi Prokuroria e Përgjithshme bëri të ditur se ai ishte dënuar nga një Gjykatë në Greqi.

Teksa ishte i pranishëm në KQZ në momentin e dhënies në vendimit nga kryekomisioneri Celibashi, Maliqi tha se vendimi ishte i turpshëm dhe skandaloz.

Duke e quajtur shtetin shqiptar si “bandit”, ai shtoi se ka ardhur kohë që të gjithë të largohen nga vendi.

“Po tani që ua pruri Prokuroria e Përgjithshme provën, ça do bëni ju? Po në 2017 që e dëbuan ata, ça do bëni ju? Po pse kështu e edukon ti vajzën tënde e unë vajzën time? Meqënëse kanë mbaruar të dyja drejtësi kriminale europiane. Turp, skandal, bandita të shtetit, turp i madh, na ruhet që kemi mbaruar me dhjeta procedurë penale, të largohemi të gjithë nga Shqipëria”, është shprehur Maliqi.

LEXONI GJITHASHTU:

• Drejt shkarkimit? Prokuroria: Kryebashkiaku i Kuçovës rezulton i dënuar
• “Ilir Kulla shkoi në SPAK për Metën”, gazetari zbërthen hetimet