Fshihte të ardhurat, arrestohet kambisti pa licencë në Durrës, i sekuestrohen paratë

Një 60-vjeçar që ushtronte në mënyrë të kundërligjshme aktivitetin e këmbimit valutor në Durrës, është arrestuar ditën e sotme.

“Blutë” bëjnë me dije se në kuadër të operacionit policor të koduar “Informaliteti” u arrestua në flagrancë H. A., 60 vjeç, banues në lagjen nr. 9, Durrës, për veprat penale “Ushtrimi pa licencë i veprimtarive financiare”, “Fshehja e të ardhurave”, “Mospagimi i taksave dhe tatimeve” dhe “Punësimi i paligjshëm”, pasi u kap nga shërbimet e Policisë në rrugë, duke ushtruar veprimtarinë si kambist, pa licencën përkatëse.

Në cilësinë e provës materiale, u sekuestruan shuma të konsiderueshme parash të valutave të ndryshme, të cilat 60-vjeçari i kishte përfituar nga ky aktivitet.

Materialet i kaluan Prokurorisë pranë Gjyaktës së Rrethit Gjyqësor Durrës, për veprime të mëtejshme.

LEXONI GJITHASHTU: 

• Në kërkim për vjedhje dhe kultivim të drogës, 2 të arrestuar në Elbasan
• Në kërkim për vjedhje dhe kultivim të drogës, 2 të arrestuar në Elbasan