Ftesa e presidentit amerikan për Shqipërinë, Hitaj: Ja ku do takohen Trump dhe Rama

Gazetari Arbër Hitaj, i ftuar në “Review” me Greta Topjana ka diskutuar lidhur me ftesën e bërë nga Presidenti amerikan Donald Trump ndaj kryeministrit Edi Rama për t’u bërë pjesë e Bordit të Paqes.

Kjo strukturë  do të qeverisë Rripin e Gazës pas përfundimit të luftës.

Duke shpjeguar rëndësinë dhe funksionimin e këtij organizmi të Bordit të Paqes, Hitaj thekson se ky është një zhvillim i tillë është pozitiv për Shqipërinë.

“Është një organizëm që vjen me ndërmjetësimin e Shteteve të Bashkuara të Amerikës, që ka të bëjë me fazën e dytë për situatën në Rripin e Gazës, pra rindërtimi i saj.

Për Shqipërinë është një zhvillim pozitiv. Takimi i radhës do të jetë në Davos, Zvicër brenda këtij muaji. Është një njoftim që ka ardhur nga vetë Presidenca amerikane, që e ka pasur sfidë situatën në Gaza dhe gjetjen e një zgjidhje pavarësisht se ndërmjetësoi shumë për një zgjidhje përfundimtare.

Trump ka negociuar fort për të pasur një armëpushim, që u arrit edhe pse pati një kosto të lartë në njerëz”, tha gazetari.