English

Fund “epokës së artë”/ Marrëdhëniet Kinë-Britani, Sunak: Mjaft me naivitet

KOMENTE

SHPERNDAJE
ARTIKULLIN

Text sizeAa Aa

Kryeministri britanik Rishi Sunak ka deklaruar se e ashtuquajtura “epoka e artë” e marrëdhënieve mes Mbretërisë së Bashkuar dhe Kinës ka perënduar dhe ka premtuar se do të “evoluojë” qasjen e Londrës kundrejt gjigantit aziatik.

- Advertisement -

Në fjalimin e parë të lidhur me politikën e Jashtme, Sunak ka theksuar se marrëdhëniet e ngushta ekonomike mes dy vendeve të regjistruara dekadën e kaluar kanë qenë “naive”.

Megjithatë, kreu i qeverisë ka paralajmëruar për rrezikun që vjen nga “retorika e Luftës së Ftohtë”, duke nënvizuar se influenca e Kinës në botë nuk mund të injorohet.

“Ne e pranojmë se Kina përbën një sfidë sistematike ndaj vlerave dhe interesave tona, një sfidë që po bëhet gjithnjë e më akute teksa autoritarizmi po rritet”, ka deklaruar Sunak.

Duke qëndruar tek autoritarizmi, ai e ka vënë theksin tek qasja e qeverisë kineze ndaj Hong Kongut dhe tek shkelja e të drejtave të komunitetit ujgur.

Duke reaguar, Kina ka akuzuar kryeministrin Britanik për “gënjeshtra dhe paragjykim ideologjik”. “Konstatimet e palës britanike janë të mbushura me paragjykime ideologjike dhe shpifje dashakeqe ndaj politikave të Kinës”, ka deklaruar Pekini, përmes një komunikate të shpërndarë nga ambasada kineze në Londër.

Sa i takon politikave ndaj Hong Kongut dhe ujgurëve, thuhet në komunikatë, ato janë çështje të brendshme të Kinës dhe Britania e Madhe nuk ka asnjë autoritet dhe të drejtë të bëjë komente të papërgjegjshme.

Gjithashtu, Pekini i ka bërë thirrje Londrës që të reflektojë mbi mentalitetin e saj “kolonial” dhe ka shtuar se, mosmarrëveshjet mund të zgjidhen vetëm përmes respektit reciprok.

LEXONI GJITHASHTU: 

 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×