‘Vasil Shanto ka qenë hamall’, Endri Shabani: Të ndryshojnë edhe emrat e shkollave

Nisma “Thurje” ka protestuar sot tek sheshi “Avni Rustemi” për t’i ndryshuar emrin këtij sheshi, duke kërkuar që të quhet sheshi ‘Fan Noli’. Po ashtu Nisma Thurje kërkon heqjen nga Tirana të të gjithë busteve që nderojnë figura historike që njihen për vrasje apo atentate.

Endri Shabani, kryetar i nismës Thurje shpjegoi në Euronews Albania nismën që synon ndryshimin të emrave që kanë lidhje me komunizmin jo vetëm të shesheve, por edhe të shkollave.

Sipas tij, duke i pasur të gjitha shkollat me emra partizanësh jemi duke u ofruar fëmijëve modelin e gabuar.

“Pse të mos promovojmë rilindësit por partizanët? P.sh, Vasil Shanto ka qenë hamall, çfarë modeli po përpiqemi të promovojmë tek të rinjtë? Kur të pyesë fëmija çfarë do i themi, ky ka vrarë këtë, ky ka vrarë atë. Ne nuk jemi më në kohë lufte, na duhen njerëz që kontribuojnë për vendin e vet, që nuk u vjen trup për vendin”, tha Shabani.

LEXONI GJITHASHTU:

• Nisma Thurje prezanton statuja simbolike, sheshi ‘Avni Rustemi’ do të ndryshojë emër
• PD ‘harron’ festën e Çlirimit, asnjë s’bëri homazhe te varrezat “Dëshmorët e Kombit”