Nisma Thurje prezanton statuja simbolike, sheshi ‘Avni Rustemi’ do të ndryshojë emër

Nisma Thurje ka nisur protestën tek sheshi ‘Avni Rustemi’, tek Pazari i Ri. Nisma ka prezantuar një statujë simbolike për t’i vënë emrin sheshit ‘Fan Noli”.

Po ashtu Nisma Thurje kërkon heqjen nga Tirana të të gjithë busteve që nderojnë figura historike që njihen për vrasje apo atentate.

Sipas tyre, ka ardhur koha për t’u shkëputur nga trashëgimia  e regjimit komunist që e mbushi Tiranën me buste partizanësh.

“Kemi pasur zevëndësime të cilat për ne janë të papranueshme. Nuk  duhet të mendojmë që shembull për rininë do të jenë njerëz si Siri Kodra, Avni Rustemi apo të tjerë, duhet të hiqen në mënyrë imediate, direkte dhe të zevendësohen me emra të tjerë.

Flasim për emra që i kanë thyer kufijtë shqiptarë dhe në të gjithë botën janë të njohur për bëmat e tyre. Flasim për njerëz që nuk kanë kursyer as jetën, për njerëz që kanë luftuar për këtë vend. Kemi propozuar që ky shesh të mbajë emrin e Fan Nolit, një krenarie kombëtare”- tha njëri prej protestuesve.”- tha ai.

LEXONI GJITHASHTU: 

• Samiti i NATO-s, Stoltenberg: Sisteme më të sofistikuara mbrojtëse Kievit
• Simbolet komuniste në ditën e çlirimit, Bashkia Shkodër bojkoton ceremoninë