Fundjava sjell sërish fluks në Kakavijë, në 24 orë lëvizën 11 mijë persona

Gjatë fundjavës në doganën e Kakavijës ka vazhduar fluksi i lëvizjes në kufirin me Greqinë.

Sipas Policisë Kufitare në Gjirokastër gjatë 24-orëve të fundit shërbimet e SPK Kakavijë kanë përpunuar  10833  shtetas në hyrje – dalje, nga të cilët 5181 në hyrje dhe 5652 në dalje, si dhe 3509 mjete në hyrje – dalje, nga të cilat  1675 në hyrje dhe 1834 në dalje.

Kjo verë ka regjistruar një fluks të konsiderueshëm lëvizjesh në doganat kufitare midis Shqipërisë dhe Greqisë.

Në periudhën 1 qershor-14 gusht në tre Pikat e Kalimit Kufitar në Qarkun e Gjirokastrës (Kakavijë, Tri Urat dhe Sopik) kanë lëvizur në të dyja anët e kufirit me Greqinë 495213 shtetas shqiptarë dhe të huaj dhe 163293 automjete shqiptare dhe të huaja.

Numrin më të madh të personave që kanë lëvizur në kufi gjatë verës e zënë bashkatdhetarët tanë që kthehen për pushime nga Greqia në vendlindje si dhe turistët. Fluksi i lëvizjes në kufirin me Greqinë pritet të jetë i lartë përgjatë gjithë muajit gusht.

LEXONI GJITHASHTU:

• Kakavijë, vazhdon fluksi i lëvizjes në kufi, 9735 hyrje-dalje brenda një dite
• Fluks në doganën e Kakavijës, rreth 25 mijë persona lëvizën në kufi gjatë fundjavës