Kakavijë, vazhdon fluksi i lëvizjes në kufi, 9735 hyrje – dalje brenda një dite

Në doganën e Kakavijes vazhdon fluksi i lëvizjes në të dyja anët e kufirit me Greqinë.

Sipas Policisë Kufitare në Gjirokastër, gjatë 24-orëve të fundit shërbimet e SPK Kakavijë kanë përpunuar 9735 shtetas në hyrje – dalje.

Ndër të cilët 5715 në hyrje dhe 4020 në dalje, si dhe 3081 mjete në hyrje – dalje, nga të cilat 1713 në hyrje dhe 1368 në dalje.

Ditën e premte Policia Kufitare në Kakavijë ka punuar me 6 sportele për përpunimin e dokumentave 3 në hyrje dhe 3 në dalje të tokës shqiptarë.

Pala greke ka punuar me 2 sportele në hyrje dhe 2 në dalje ndërsa janë evituar radhët e gjata të pritjes në kufi.

LEXONI GJITHASHTU:

• Vazhdon fluksi në Kakavijë, lëvizën 13 mijë persona në 24 orë
• Fluks në doganën e Kakavijës, rreth 25 mijë persona lëvizën në kufi gjatë fundjavës