Fundjavë në llixhat e Bënjës, ujërat termale me veti kurative joshin turistët nga Shqipëria 

Ujërat termale të Bënjës, 14 km larg qytetit të Përmetit, po tërheqin dita-ditës dhjetëra vizitorë të zonës, por edhe me gjerë.

Jo larg prej aty, ndodhet edhe fshati Bënjë, një destinacion që mbart histori 400-vjeçare.

Përmeti është një ndër vendet e pakta ku mund të bëhet plazh edhe në stinën e Dimrit. Jo shumë larg nga qyteti, në ujërat termale të Bënjes, dhjetra vizitorë kanë zgjedhur këtë fundjavë të zhyten në ujërat e kaltër, megjithëse temperaturat janë nën zero.

“Shikoni çfarë mrekullie. Këtu është uji ngrohtë mineral. Aty përballë ke malin e Nemërçkës me dëborë. Këtu ke një luginë që duhet të kesh ca mjete për tu futur, por që ka një mrekulli të paparë. Ata që e kanë vizituar kanë ngelur të mahnitur,” – tregoi një qytetar.

“Ne po ja kalojmë aq mirë saqë themi që kurrë nuk kemi qenë më mirë. Ta frekuentojmë natyrën shqiptare sepse është parajse në tokë,” – u shpreh vizitori tjetër.

Turistët dhe banorët janë në pritje të investimeve të munguara për infrastrukturën turistike dhe atë rrugore për të zbuluar më shumë nga historia dhe natyra e këtij fshati.

Lexoni gjithashtu:

Shtyhet me 24 orë ardhja e dozave të vaksinës “Pfizer”

Rama: Bëmë detyrat, Borrell: Partitë kandidatë me integritet në zgjedhje, Varhelyi: BE s’ka harruar për vaksinat

Ish-presidenti francez Nicolas Sarkozy shpallet fajtor për korrupsion