Fundoset varka në brigjet e Tunizisë, 75 persona të zhdukur

75 persona janë zhdukur, pasi një varkë e mbushur me emigrantë u mbyt në Tunizi, sipas Organizatës Ndërkombëtare për Emigracionin.

Vetëm 24 persona shpëtuan nga varka, e cila ishte nisur nga plazhet e Zawara në veri të Libisë dhe u fundos në brigjet e Sfax, raporton Reuters.

Një zyrtar tunizian i sigurisë ka raportuar për agjencinë e lajmeve Reuters se roja bregdetare kishte gjetur një trup të pajetë në brigjet Sfax.

Mesdheu qendror, që lidh Libinë me Italinë ose Maltën, është rruga më e rrezikshme e emigrimit në botë, raporton organizata.

Agjencia e OKB-së vlerëson se më shumë se 1,500 njerëz vdiqën ose u zhdukën në zonë në vitin 2021 dhe më shumë se 500 deri më tani në 2022.

Në muajt e fundit, dhjetëra njerëz janë mbytur në brigjet e Tunizisë, ndërsa qindra mijëra njerëz kanë bërë kalimin e rrezikshëm të Mesdheut vitet e fundit.

LEXONI GJITHASHTU:

• Suedia dhe Finlanda përpiqen të bindin Turqinë për anëtarësimin në NATO
• Anëtarësimet e reja në NATO nuk përbëjnë kërcënim për asnjë shtet, thotë Bajden
• Finlanda dhe Suedia dorëzojnë aplikimet për anëtarësim në NATO