Funksionaliteti i Gjykatës Kushtetuese, Soreca: Arritje e konsiderueshme!

Ambasadori i Bashkimit Europian në Tiranë, Luigi Soreca ka reaguar pas betimit të anëtarit të gjashtë të Gjykatës Kushtetuese.

Në një postimi në Twitter, Soreca e përgëzon Përparim Kalon dhe i uron punë të mbarë atij dhe anëtarëve të tjerë të gjykatës.

“Sot z.Përparim Kalo është betuar te Presidenti Ilir Meta si anëtari i 6-të i Gjykatës Kushtetuese. Ne e përgëzojmë atë dhe i dëshirojmë punë të mbarë atij dhe të gjithë anëtarëve pasi Gjykata tani është funksionale, një arritje e konsiderueshme për qytetarët dhe reformën në drejtësisë”, shkruan Soreca.

Pas mbi dy vitesh në ngërç, Gjykata Kushtetuese u bë funksionale, pasi dje Ilir Meta firmosi emërimin e anëtarit të gjashtë. Ai do të jetë Përparim Kalo, ndërsa Aleksandër Toma u skualifikua nga lista.

Aktualisht Gjykata Kushtetuese ka gjashtë anëtarë; Vitore Tusha, Elsa Toska, Marsida Xhaferllari, Fiona Papajorgji, Altin Binaj dhe Përparim Kalo.

Ndërkohë në këtë gjykatë janë ende 3 vende vakante. 

Today Mr. @perparim_kalo has been sworn in by President @ilirmetazyrtar??as the 6th Member of the Constitutional Court. We congratulate him and wish good work to him and all Members as the Court is now functional, a considerable achievement for??,its citizens and #justicereform.

— Luigi Soreca?? (@LSorecaEU) December 24, 2020

Lexoni gjithashtu:

Meta: Do të mbështes gjithmonë pavarësinë e Gjykatës Kushtetuese, mazhoranca përpjekje kriminale për ta uzurpuar