Fusnin në treg kartëmonedha të falsifikuara, arrestohen 7 persona në Elbasan

Policia e Elbasanit ka arrestuar 7 persona si dhe janë sekuestruar 158.000 lekë të dyshuara të falsifikuara, 2 automjete dhe 9 aparate celular.

Në prangat e policisë kanë rënë A. V, 50-vjeç, B. M, 56-vjeç, I. H, 32 -vjeçe, R. K, 48-vjeç, D. A, 20-vjeç, A. T, 30-vjeç dhe I. Ç, 27-vjeç.

Këta shtetas, në bashkëpunim me njëri-tjetrin, gjatë një periudhe kohore disamujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara, në disa qytete, si Elbasan, Tiranë, Krujë dhe Fier.

Materialet i kaluan Prokurorisë së Rrethit Gjyqësor Elbasan, për veprën penale “Falsifikimi i monedhave” kryer në bashkëpunim.