Fyeu flamurin kombëtar, reagon në Euronews hoxha: Kush jam unë për t’a përdhosur

Mazllam Mazllami, një hoxhë nga Prizreni, që mori vëmendje në media pasi besimtarët i dhuruan një makinë luksoze të llojit Mercedez Benz me rastin e daljes në pension, ofendoi ditën e djeshme flamurin kombëtar duke e cilësuar një “leckë pa vlerë”.

Në një intervistë të dhënë këtë të hënë në Euronews Albania, Mazllami tha se qëllimi nuk ishte të denigrohej flamuri kombëtar, por të tregonte vetëm se ai nuk e adhuron flamurin.

Në fund të fjalës së tij ai kërkoi ndjesë për deklaratën e bërë duke thënë se ai s’është askushi që të denigrojë simbolin kombëtar të shqiptarëve.

“Këtu ka një keqkuptim. Kjo video është inçizuar më herët. Flamuri sipas fjalëve të mia është një bezë që në të është e vizatuar Shqiponja. Nuk ishte qëllimi për të përdhosur dhe nënçmuar flamurin, diçka që prindërit tanë e kanë ngritur përpara 110 viteve në Vlorë. Kush jamë unë për ta përdhosur një gjë të tillë. Është shumë gabim t’i lexoni gjërat mbrapsht. Leckë u përdor për të treguar një bezë në të cilën është vizatuar flamurin.

Edhe unë jam shqiptar. Unë kam dashur të them se ne nuk e adhurojmë flamurin. Është bërë zhurmë gazetareske”, tha ai.

LEXONI GJITHASHTU:

• Hoxha kërkon falje publike: Jam veteran i UÇK, të njëjtin flamur kam mbajtur pranë 
• VIDEO| “Kjo është arnë, leckë”, hoxha nga Prizreni fyen flamurin kombëtar