G7-a refuzon rublën ruse, Kremlini: S’japim gaz për bamirësi

Ministrat e Energjisë të 7 vendeve më të industrializuara të botës refuzuan kërkesën e presidentit Vladimir Putin, që të paguajnë me rubla për gazin rus.

Pas një takimi virtual me homologët, ministri gjerman i Ekonomisë, Robert Habek tha se të gjithë kishin rënë dakord për faktin se kjo përbën një shkelje të hapur të kontratave ekzistuese.

“Putin po mundohet të na përçajë, por kjo nuk do të ndodhë pasi ne jemi të bashkuar”, deklaroi Habek.

Në një reagim, zëdhënësi i Kremlinit paralajmëroi se në rast të një skenari të tillë, “Rusia nuk do ta japë gazin e saj për bamirësi”.