Galatasaray me ‘ëndrra’ gjermane, Bayern i ‘frikshëm’ në grupe

Bajerni i Mynihut synon fitoren e katërt në grupet e Champions League, teksa i duhet të bëjë detyrën ndaj Galatasarayt. Gjermanët dallojnë për ecurinë e tyre në këtë fazë të kompeticionit, por llogaritë bëhen ndryshe pasi skuadra turke, premton hakmarrje për disfatën e dy javëve më parë.

Muslera është mungesa e madhe, por Icardi pika kyçe e skuadrës, teksa tek rekordmemët e bundesligës, mungesë me peshë është mbrojtësi De Ligt. Në të njëjtin grup, Manchester United do të provojë të bëjë detyrën ndaj Copenhagenit, por transferta e Danimarkës nuk do të jetë aq e lehtë.

Me një tjetër ecuri të frikshme janë dhe madrilenët e Ancelottit të cilët tashmë në Bernabeu presin Bragën. 9 pikë në 3 ndeshje tregojnë mungesën e konkurrencës, por dëmtimi i Bellingham pritet të ndikojë. Napoli pret në Maradonë stadium Unionin e Berlinit, skuadrën më të dobët në grup, ku në rast fitore shkon në kuotën e 9 pikëve.

Nënkampionët e Evropës, Interi luajnë në Austri me Salzburgun, ndërsa me interes pritet dhe Real Sociedad Benfica. Dy skuadrat ndjekin në distancë njëra-tjetrën, ku një ndalesë e spanjollëve do të rikthehnte zikaltrit në krye.

Një fitore e Arsenalit do të konkretizonte më tepër gjendjen e topçinjve në grup, ku pengesa e radhës është Sevilla. Fitorja në Spanjë jep shpresë, ndërsa surpriza Lens luan në Holandë.

LEXONI GJITHASHTU:

• Marrëveshja për emigrantët me Italinë, Varhelyi: Po e analizojmë, model interesant
• “Protesta”- Ministria britanike e Mbrojtes: Të rinjtë rusë sabotojnë hekurudhat