“Protesta”- Ministria britanike e Mbrojtes: Të rinjtë rusë sabotojnë hekurudhat

Ministria Britanike e Mbrotjes ka thënë se Rusia është ende duke u përballur me një seri sulmesh në hekurudhat e saj nga aktivistë kundër luftës në Ukrainë.

Sipas burimeve nga mediat e huaja, të cilat citojnë ministrinë britanike, lufta në Ukrainë “vazhdon të përfaqësojë një sfidë të rëndësishme për autoritetet ruse” gati një vit e gjysmë pasi u raportuan incidentet e para.

Hulumtimi i pavarur sugjeron se që nga tetori, 76 raste të sabotimit hekurudhor kishin arritur në gjykatat ruse që nga pushtimi vitin e kaluar.

Ministria e Mbrojtjes tha në konferencën e saj të përditshme mbi luftën se logjistika ushtarake e Rusisë “mbetet e mbështetur në linjën hekurudhore prej 33,000 km të vendit”.

“Me pothuajse të gjitha metodat e mospajtimit të hapur të ndaluara në Rusi, sabotimi vazhdon të tërheqë një pakicë të rinjsh si një metodë proteste kundër ‘operacionit special ushtarak'”, thuhej më tej nga ministria.

Kujtojmë se mijëra persona, civilë dhe ushtarakë, kanë humbur jetën pas agresionit të pajistifikuar të nisur nga Rusia ndaj fqinjit të saj, Ukrainës, në 24 shkurt të vitit të kaluar.

LEXONI GJITHASHTU:

• Mercenarët serbë në Ukrainë, ekspertët: Do kemi probleme kur të kthehen
• Lufta në Ukrainë/ SHBA: Rusia pëson humbje të konsiderueshme në ofensivën e re