Gara elektorale në Holandë, shanse serioze për ekstremistët e Wilders

Për votuesit holandezë që u drejtohen kutive në zgjedhjet e përgjithshme vetëm një gjë është e sigurt: se do të kenë një kryeministër të ri. Mark Rutte, kryeministri më jetëgjatë i Holandës, do të largohet.

Me 26 parti për 150 vende në Parlament, skena politike holandeze është në favor të koalicioneve qeverisëse.

Sondazhet e fundit tregojnë se 4 parti, përfshirë atë ekstremiste të Geert Wilders, Partia e Lirisë, do të dalin kokë më kokë në zgjedhje.

Nëse partia në pushtet arrin të frenojë Wilders, atëherë do të hapet rruga për ministren e Drejtësisë dhe Sigurisë, Dilan Zegerius që të bëhet gruaja e parë në krye të qeverisë. Ajo ishte e para ligjvënëse liberale që pranoi se koalicioni me të djathtën ekstreme është i mundur.

Një sondazh i publikuar të martën tregoi se partia e Wilders kryesonte ngushtë ndaj liberalëve të Rutte, Partisë Popullore për Liri dhe Demokraci dhe bllokut të qendrës së majtë, i përbërë nga Laburistët dhe të Gjelbërit.

LEXONI GJITHASHTU:

• Rutte konfirmon rrëzimin e qeverisë: Dhashë dorëheqjen, s’u pajtuam dot
• “Të gjendet dialogu”, Rutte flet nga Prishtina: Të drejtat e njeriut të rëndësishme