“Të gjendet dialogu”, Rutte flet nga Prishtina: Të drejtat e njeriut të rëndësishme

Kryeministri i Holandës, Mark Rutte ne konferencën e përbashkët me kryeministrin e Kosovës Albin Kurti dhe atë të Luksemburgut bëri thirrje që të gjendet sa më shpejt dialogu mes Kosovës dhe Serbisë pas rritjes së tensioneve në Veri.

Ai theksoi se të drejtat e njeriut janë shumë të rëndësishme dhe duhet të respektohen nga të dyja palët.

“Agresioni i Rusisë kundër Ukrainës e ka bërë këtë më të rëndësishme se kurrë më parë. Dhe këtu stabiliteti regjional është proces tejet i rëndësishëm dhe sot i kemi shprehur brengat tona për ngritjen e tensioneve mes Kosovës dhe Serbisë”, tha ai, duke shtuar se Holanda dhe Luksemburgu kërkojnë shtensionim. “Kjo është e rëndësishme jo vetëm për paqen dhe stabilitetin në rajon”, tha ai.

“Përfshirja jonë në Kosovë dhe Ballkanin Perëndimor në përgjithësi është më e afërt se kurrë mund të them”, tha ndër tjerash kryeministri holandez.

LEXONI GJITHASHTU:

• “Duam zgjidhje europiane”, Kurti: Marrëveshja të zbatohet pa vonesa dhe pa kushte
• A erdhi Bill Clinton në Tiranë për t’i bërë presion Albin Kurtit? Flet Dritan Hila