“Duam zgjidhje europiane”, Kurti: Marrëveshja të zbatohet pa vonesa dhe pa kushte

Kryeministri Albin Kurti në një deklaratë për mediat pas takimit me kryeministrin e Holandës Mark Rutte dhe atë të Luksemburgut, Xavier Bettel kërkoi nga dy kryeministrat evropianë që ta ndihmojnë Kosovën që të anëtarësohet në NATO dhe në BE.

Kurti përmendi edhe çështjen e dialogut me Serbinë. Ai tha se Kosova dëshiron zgjidhje evropiane dhe zbatim të marrëveshjeve.

“Në lidhje me dialogun për normalizimin e  marrëdhënieve me Serbinë, kam theksuar se Kosova është e interesuar për marrëdhënie të mira fqinjësore. Ne dëshirojmë zgjidhje evropiane dhe për këtë e kemi marrëveshjen bazike të 27 shkurtit dhe aneksin e zbatimit të 17 marsit, për të cilën dëshirojmë që të zbatohet në plotësi, pa vonesa dhe pa kushte”, deklaroi kryeministri.

Kurti tha se progresi demokratik i Kosovës është mundësi e mirë për BE-në që të transformojë Ballkanin Perëndimor.

LEXONI GJITHASHTU:

• “Të gjithë kundër Kurtit”, Agon Maliqi: Logjikë konsiprative, po gjejnë armiq kudo
• “Të gjendet dialogu”, Rutte flet nga Prishtina: Të drejtat e njeriut të rëndësishme