Rutte konfirmon rrëzimin e qeverisë: Dhashë dorëheqjen, s’u pajtuam dot

Mark Rutte njoftoi të premten se do të japë dorëheqjen nga kabineti i tij qeverisës në Holandë për, siç tha ai, mospajtimet brenda koalicionit qeverisës për frenimin e emigracionit.

“Nuk është sekret që partnerët e koalicionit kanë pikëpamje shumë të ndryshme për politikën e migracionit. Edhe sot, për fat të keq, duhet të nxjerrim përfundimin se këto dallime janë të papajtueshme. Prandaj do t’i ofroj menjëherë mbretit me shkrim dorëheqjen e të gjithë kabinetit,” u tha Rute gazetarëve në Hagë.

Më herët, zëdhënësi i partisë së Unionit Kristian, Tim Kuijsten tha se qeveria holandeze kishte rënë për shkak se nuk ishte arritur asnjë marrëveshje për kufizimin e emigracionit.

“Katër partitë kanë vendosur që nuk mund të arrijnë marrëveshje për emigracionin. Prandaj kanë vendosur t’i japin fund mandatit të kësaj qeverie”, tha zëdhënësi i partisë Tim Kuesten.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Debati për emigracionin rrëzon qeverinë holandeze
• “Të gjendet dialogu”, Rutte flet nga Prishtina: Të drejtat e njeriut të rëndësishme