Gara për Avokatin e Popullit, si do përzgjidhen 20 kandidatët në Kuvend

Avokati i ri i Popullit pritet të zgjidhet brenda 15 korrikut. Janë 20 kandidatë që i kanë dorëzuar dokumentet e aplikimit në kryesinë e Kuvendit.

Por jo të gjithë këta kandidatë do mund të shkojnë në fazën finale, të votimit në Kuvend.

Të 20 kandidatët do të paraqiten në Komisionin e Ligjeve, aty ku bëhet filtrimi i kandidaturave nëse përmbush kriteret formale ligjore.

Ata që do të përmbushin kriteret, do duhet të marrin mbështetjen e 28 deputetëve që t’i propozohen seancës plenare për votim.

Në seancë kandidati fitues duhet të marrë votat e 84 deputetëve.

Nisur nga ky kusht, zgjedhja e avokatit të popullit do të kërkoj konsensus mes mazhorancës dhe opozitës, ose me të paktën, me njërën pjesë të saj.

Në mesin e 20 kandidatëve që kanë shfaqur interes për t’u bërë Avokat të Popullit spikasin disa juristë të njohur dhe me peshë në jetën publike.

LEXONI GJITHASHTU:

• Avokati i Popullit reagon për shembjen e banesave tek ‘5 Maji’
• Avokati i Popullit përplaset me pastorin për birësimet: Ka procedura të rrepta