Gara për postin e Komisionerit për Mbrojtjen nga Diskriminimi, zbardhen emrat e 7 kandidatëve

7 kandidatë kanë aplikuar pranë Kuvendit të Shqipërisë në përfundim të afatit për paraqitjen e kandidaturave për pozicionin e Komisionerit për Mbrojtjen nga Diskriminimi.

Gazetarja e Euronews Albania, Eksiola Shehu ka siguruar listën me kandidatët, ku mes emrave bien në sy ish-kryetari i KLP, Alfred Balla apo Genta Tafa, ish-kryetare e Komisionit të Vetingut.

1. Alfred Balla

2. Brunilda Menalla

3. Rozeta Ivanova

4. Genta Tafaj

5. Ermonela Xhafaj

6. Brikena Luto

7. Sonila Hysi Ruka

Komisioneri për Mbrojtjen nga Diskriminimi zgjidhet me 71 vota për një mandat 5 vjeçar, me të drejtë rizgjedhje vetëm një herë.

Për herë të dytë, Komisioni për të Drejtat e Njeriut dhe Mjetet e Informimit Publik rivendosi çeljen e garës, pasi asnjëri prej kandidatëve të mëhershëm nuk mori mbështetjen e 28 deputetëve me firma.

Gara u hap në datën 3 mars 2026 dhe afati për paraqitjen e kandidaturave ishte 20 ditë.

Pas kësaj faze, kandidatëve i duhet që të marrin 28 firmat e nevojshme nga deputetët për të vijuar në fazën tjetër.