Garë e fortë në Tiranë, shpallen rezultatet e primareve në kryeqytet: Kush kryeson

Komisioni i Organizimit dhe Kontrollit të Operacioneve Elektorale (KOKOE) pranë Partisë Demokratike ka shpallur rezultatet e primareve për zgjedhjet parlamentare të 11 majit 2025 në qarkun e Tiranës.

Sipas të dhënave zyrtare, në këtë proces morën pjesë 13.052 anëtarë të PD-së nga Tirana, ndërsa në rang kombëtar votuan gjithsej 50.854 anëtarë.

Kryesues i listës për këtë qark është Hysen Kadiu, i cili ka fituar 913 vota, pasuar nga ish-deputeti Klevis Balliu me 737 vota. Në vendin e tretë renditet Grigels Muçollari me 666 vota, ndërsa deputetja Jorida Tabaku ka fituar 651 vota dhe Ilir Alimehmeti 603 vota.

“Procesi i primareve u shënua nga një pjesëmarrje masive, duke reflektuar interesin e lartë të anëtarëve të PD-së dhe besimin në zgjedhjen e përfaqësuesve të saj për zgjedhjet parlamentare të ardhshme”, thuhet në njoftimin e PD.

Votat që kanë marrë secili nga deputetë në 26 vendet e para:

•  Hysen Kadiu – 913 vota
•  Klevis Balliu – 737 vota
•  Grigels Muçollari – 666 vota
•  Jorida Tabaku – 651 vota
•  Ilir Alimehmeti – 603 vota
• Arjan Hoxha – 521 vota
• Ervin Minarolli – 508 vota
• Arsen Valisi – 439 vota
• Andi Mustafaj – 414 vota
• Myslim Murrizi – 403 vota
• Mimoza Hajdarmataj – 400 vota
• Ilda Zhulali – 357 vota
• Dhurata Cupi – 354 vota
• Arnold Kariqi – 350 vota
• Pranvera Kurpalaj – 292 vota
• Akil Kraja – 282 vota
• Redjon Zefi – 260 vota
• Salvador Kaçaj – 256 vota
• Besim Kuka – 238 vota
• Lisandër Hoxha – 218 vota
• Loranca Hoxha – 200 vota
• Asllan Dogjani – 179 vota
• Jonathan Pano – 166 vota
• Adriana Kalaja – 153 vota
• Edit Harxhi – 146 vota
• Rudin Hylviu – 146 vota